Pemba Live

Maafisa wa serikali ya Nigeria wametuma kikosi maalumu cha polisi katika jimbo la Kaduna la kaskazini mwa nchi hiyo na kutangaza amri ya masaa 24 ya kutotoka nje baada ya kutokea mapigano ya kikabila yaliyoua makumi ya watu. Rais Muhammadu Buhari ametoa amri ya kutumwa kikosi hicho maalumu na kuwekwa marufuku ya kutotoka nje katika mji wa Kaduna baada ya machafuko hayo. Machafuko hayo yaliyotokea siku ya Alkhamisi baina ya jamii za Waislamu na Wakristo katika eneo la Kasuwan Magani huko kusini mwa Kaduna, yameua watu wasiopungua 55. Rais Buhari ameandika katika ukurasa wake wa mtandao wa kijamii wa Twitter kwamba machafuko ya Kaduna yaliyopelekea kuuawa watu 55 wasio na hatia lazima yalaaniwe. Polisi wamepewa amri ya kuchukua hatua zozote zinazofaa za kurejesha utulivu katika en...

Video mpya ya uchunguzi iliyotolewa na Istanbul inaonyesha jasusi wa Saudi Arabia akiwa amevaa nguo kama za mwandishi Jamal Khashoggi wakati akiondoka ubalozi mdogo wa Riyadh Octoba 2, ikiwa ni jaribio la kuficha mauaji ya mwandishi huyo kwa kuonyesha kwamba aliondoka ubalozini akiwa hai. Picha hizo za video zilipigwa na vyombo vya usalama vya Uturuki na kuonyeshwa Jumatatu na CNN, zikiwa zinaelekeza kuwa jasusi wa Saudia alijifananisha na mwandishi huyo ikiwa ni juhudi ya kuweza kuficha mauaji hayo. Video hiyo ilitolewa wakati maafisa wa Saudia walikuwa kwa mara nyingine tena wanatoa maelezo juu ya kifo cha mwandishi wa Saudia mwenye umri wa miaka 59 ambaye alikuwa anaishi Marekani, ambako aliamua yeye mwenye kuwa mkimbizi wakati akiendelea kuandika Makala kwenye gaz...

Waziri wa Kilimo wa utawala wa Kizayuni wa Israel usiku wa kuamkia leo ametishia kuwa, kama Jordan itataka kurejeshewa maeneo yake ya al Baqura na al Ghamr, basi Tel Aviv itaikatia maji Amman, mji mkuu wa Jordan. Televisheni ya Rusia al Yaum imemnukuu Uri Ariel akitoa vitisho hivyo jana usiku na kuongeza kuwa, iwapo Jordan itataka kurejeshewa ardhi za al Baqura na al Ghamr, basi Tel Aviv itapunguza zaidi ya nusu ya maji yanayotumika katika mji mkuu wa Jordan, Amman. Itakumbukwa kuwa, Mfalme Abdallah wa Pili wa Jordan juzi Jumapili alisema kuwa, muda wa mapatano ya amani yaliyotiwa saini kati ya nchi yake na Israel mwaka 1994 na hivyo Jordan kuukodisha utawala wa Kizayuni maeneo yake ya al Baqura na al Ghamr umemalizika hivyo Israel inapaswa kuirejeshea Jordan ardhi zake hizo.